Wed. Aug 12th, 2026

Main Menu

Watch Our Videos

YADGIR NEWS | ಕಡೇಚೂರು ಗ್ಯಾಸ್ ದುರಂತ | ಕಂಪನಿ ವಿರುದ್ಧ ಪ್ರಕರಣ | ಸುರಕ್ಷತಾ ಲೋಪದ ತನಿಖೆ – ಎಸ್‌ಪಿ |

ಯಾದಗಿರಿ: ಜಿಲ್ಲೆಯ ಸೈದಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಕಡೇಚೂರಿನ ಸಿಐಎಲ್ ಲ್ಯಾಬೋರೇಟರೀಸ್‌ನಲ್ಲಿ ಶುಕ್ರವಾರ ಮುಂಜಾನೆ ಸುಮಾರು 3 ಗಂಟೆಗೆ ಸಂಭವಿಸಿದ ಸಲ್ಫರ್ ಡೈಆಕ್ಸೈಡ್ ಅನಿಲ ಸೋರಿಕೆಯಿಂದ ಮೂವರು ಕಾರ್ಮಿಕರು ಮೃತಪಟ್ಟಿದ್ದು, ಇಬ್ಬರು ಗಾಯಗೊಂಡು ರಾಯಚೂರಿನ ರಿಮ್ಸ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪೃಥ್ವೀಕ್ ಶಂಕರ್ ತಿಳಿಸಿದರು. ಘಟನೆ ಕುರಿತು ಜಿಲ್ಲಾಧಿಕಾರಿಯೊಂದಿಗೆ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಲಾಗಿದೆ. ರಿಯಾಕ್ಟರ್ ಸ್ಥಗಿತಗೊಳಿಸಲಾಗಿದ್ದು, ಸದ್ಯ ಯಾವುದೇ ಅಪಾಯ ಇಲ್ಲ ಎಂದು ಹೇಳಿದರು. ಕಂಪನಿ ಆಡಳಿತ ಮಂಡಳಿಯ ವಿರುದ್ಧ ಪ್ರಕರಣ ದಾಖಲಿಸಿದ್ದು, ಸುರಕ್ಷತಾ ಕ್ರಮಗಳು ಹಾಗೂ ಮಾರ್ಗಸೂಚಿಗಳ ಉಲ್ಲಂಘನೆ ನಡೆದಿದೆಯೇ ಎಂಬುದರ ಕುರಿತು ತನಿಖೆ ನಡೆಸಲಾಗುವುದು. ಎಸ್‌ಡಿಆರ್‌ಎಫ್, ಎನ್‌ಡಿಆರ್‌ಎಫ್ ಹಾಗೂ ವಿಧಿವಿಜ್ಞಾನ ತಜ್ಞರ ತಂಡಗಳು ಸ್ಥಳ ಪರಿಶೀಲನೆ ನಡೆಸಿ ದುರಂತದ ನಿಖರ ಕಾರಣ ಪತ್ತೆಹಚ್ಚಲಿವೆ ಎಂದು ಎಸ್‌ಪಿ ತಿಳಿಸಿದರು.
#Yadgiri #YadgiriBreaking #Kadechur #CILLaboratories #GasLeak #GasExplosion #IndustrialAccident #FactoryAccident #SPPrithvikShankar #YadgirPolice #BreakingNews #KarnatakaNews #KannadaNews #RaichurRIMS #SDRF #NDRF #ForensicTeam #WorkersDeath #LatestNews #PruthviMadhyma

YADGIR NEWS | ಕಡೇಚೂರು ಗ್ಯಾಸ್ ದುರಂತ | ಕಂಪನಿ ವಿರುದ್ಧ ಪ್ರಕರಣ | ಸುರಕ್ಷತಾ ಲೋಪದ ತನಿಖೆ – ಎಸ್‌ಪಿ |

YADGIR NEWS | ಕಡೇಚೂರು ಕೈಗಾರಿಕಾ ಪ್ರದೇಶದಲ್ಲಿ ಗ್ಯಾಸ್ ಸ್ಫೋಟ | ಮೂವರು ಕಾರ್ಮಿಕರ ಸಾವು | ಯಾದಗಿರಿ ಬ್ರೇಕಿಂಗ್

ಯಾದಗಿರಿ: ಜಿಲ್ಲೆಯ ಗುರುಮಠಕಲ್ ತಾಲೂಕಿನ ಕಡೇಚೂರು ಬಾಡಿಯಾಳ ಕೈಗಾರಿಕಾ ಪ್ರದೇಶದಲ್ಲಿರುವ ಸೀಲ್ ಲ್ಯಾಬೋರೇಟರಿ ಕಂಪನಿಯಲ್ಲಿ ಸಂಭವಿಸಿದ ಭೀಕರ ಗ್ಯಾಸ್ ಸ್ಫೋಟದಲ್ಲಿ ಮೂವರು ಕಾರ್ಮಿಕರು ಮೃತಪಟ್ಟಿದ್ದು, ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಘಟನೆಯ ವೇಳೆ ಕಂಪನಿಯಲ್ಲಿ ಏಳು ಕಾರ್ಮಿಕರು ಕೆಲಸ ಮಾಡುತ್ತಿದ್ದರು ಎಂದು ತಿಳಿದುಬಂದಿದೆ. ಮೃತಪಟ್ಟವರು ಬಿಹಾರ ಮೂಲದ ಕಾರ್ಮಿಕರಾಗಿದ್ದಾರೆ. ಗಾಯಾಳುಗಳನ್ನು ತಕ್ಷಣ ರಾಯಚೂರಿನ ರಿಮ್ಸ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಸ್ಫೋಟದ ತೀವ್ರತೆಗೆ ಕಂಪನಿಯಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ಸ್ಥಳಕ್ಕೆ ಪೊಲೀಸರು ಹಾಗೂ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸೈದಾಪುರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಸ್ಫೋಟದ ನಿಖರ ಕಾರಣ ಕುರಿತು ತನಿಖೆ ಮುಂದುವರಿದಿದೆ.
#Yadgiri #YadgiriBreaking #Kadechur #Gurmitkal #GasExplosion #FactoryBlast #IndustrialAccident #BreakingNews #KarnatakaNews #RaichurRIMS #ClLaboratory #WorkersDeath #AccidentNews #KannadaNews #LatestNews #PruthviMadhyma #YadgirNews #KarnatakaBreaking #CrimeNews #NewsUpdate

YADGIR NEWS | ಕಡೇಚೂರು ಕೈಗಾರಿಕಾ ಪ್ರದೇಶದಲ್ಲಿ ಗ್ಯಾಸ್ ಸ್ಫೋಟ | ಮೂವರು ಕಾರ್ಮಿಕರ ಸಾವು |

YADGIR NEWS||ಭೀಮಾ ನದಿಗೆ ಹೈ ಅಲರ್ಟ್: ನದಿ ತೀರಕ್ಕೆ ತೆರಳಬೇಡಿ, ಕುಡಿಯುವ ನೀರನ್ನು ಕುದಿಸಿ ಸೇವಿಸಿ – ಉಮೇಶ ಚೌವಾಣ್

ಯಾದಗಿರಿ: ಭೀಮಾ ನದಿಯಲ್ಲಿ ನೀರಿನ ಹರಿವು ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ಜಿಲ್ಲೆಯಲ್ಲಿ ಹೈ ಅಲರ್ಟ್ ಘೋಷಿಸಲಾಗಿದೆ ಎಂದು ನಗರಸಭೆ ಪೌರಾಯುಕ್ತ ಉಮೇಶ ಚೌವಾಣ್ ತಿಳಿಸಿದ್ದಾರೆ. ಶುಕ್ರವಾರ ನಗರಸಭೆಯಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ನದಿ ತೀರಕ್ಕೆ ಮೀನುಗಾರರು, ಬಟ್ಟೆ ತೊಳೆಯುವವರು, ಮಕ್ಕಳು, ಹಿರಿಯರು ಸೇರಿದಂತೆ ಸಾರ್ವಜನಿಕರು ಯಾವುದೇ ಕಾರಣಕ್ಕೂ ತೆರಳಬಾರದು ಎಂದು ಮನವಿ ಮಾಡಿದರು. ನಗರಸಭೆಯಿಂದ ಪೂರೈಸಲಾಗುತ್ತಿರುವ ಕುಡಿಯುವ ನೀರನ್ನು ಶುದ್ಧೀಕರಿಸಿ ನೀಡಲಾಗುತ್ತಿದ್ದರೂ, ಮಳೆ ಹಿನ್ನೆಲೆ ನೀರಿನಲ್ಲಿ ಬ್ಯಾಕ್ಟೀರಿಯಾ ಇರುವ ಸಾಧ್ಯತೆ ಇರುವುದರಿಂದ ಸಾರ್ವಜನಿಕರು ನೀರನ್ನು ಕುದಿಸಿ, ಸೋಸಿ ಬಳಿಕವೇ ಸೇವಿಸಬೇಕು ಎಂದು ಸಲಹೆ ನೀಡಿದರು. ಸಾರ್ವಜನಿಕರು ಮುನ್ನೆಚ್ಚರಿಕೆ ವಹಿಸಿ ಆಡಳಿತದ ಸೂಚನೆಗಳನ್ನು ಪಾಲಿಸುವಂತೆ ಅವರು ಕೋರಿದರು.
#ಯಾದಗಿರಿ #ಭೀಮಾನದಿ #HighAlert #ನಗರಸಭೆ #ಕುಡಿಯುವನೀರು #YadgirNews #PhruthviMadhyma

YADGIR NEWS||ಭೀಮಾ ನದಿಗೆ ಹೈ ಅಲರ್ಟ್: ನದಿ ತೀರಕ್ಕೆ ತೆರಳಬೇಡಿ, ಕುಡಿಯುವ ನೀರನ್ನು ಕುದಿಸಿ ಸೇವಿಸಿ – ಉಮೇಶ ಚೌವಾಣ್

YADGIR NEWS||₹2.16 ಕೋಟಿ ಪ್ರಕರಣ: ಯಾದಗಿರಿ ನಗರಸಭೆಗೆ ಹೈಕೋರ್ಟ್ ಮಧ್ಯಂತರ ಪರಿಹಾರ

ಯಾದಗಿರಿ: ನಗರಸಭೆಯ ವಿರುದ್ಧದ ₹2.16 ಕೋಟಿ ಭೂಸ್ವಾಧೀನ ಪರಿಹಾರ ಪ್ರಕರಣದಲ್ಲಿ ಕಲಬುರಗಿ ಹೈಕೋರ್ಟ್‌ನಿಂದ ಮಧ್ಯಂತರ ಪರಿಹಾರ ದೊರೆತಿದ್ದು, ಜಪ್ತಿ ಮಾಡಲಾಗಿದ್ದ ನಗರಸಭೆಯ ಪೀಠೋಪಕರಣಗಳು ಹಾಗೂ ಕಚೇರಿ ಸಾಮಗ್ರಿಗಳನ್ನು ಬಿಡುಗಡೆ ಮಾಡಲಾಗಿದೆ ಎಂದು ನಗರಸಭೆ ಪೌರಾಯುಕ್ತ ಉಮೇಶ್ ಚೌವಾಣ್ ತಿಳಿಸಿದರು. ಶುಕ್ರವಾರ ನಗರಸಭೆಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಆಗಸ್ಟ್ 20ರವರೆಗೆ ಕಾಲಾವಕಾಶ ನೀಡಿರುವ ಹೈಕೋರ್ಟ್, ₹10 ಲಕ್ಷ ಠೇವಣಿ ಇಡುವ ಷರತ್ತು ವಿಧಿಸಿದೆ ಎಂದರು. ಜಪ್ತಿ ತೆರವಾದ ಹಿನ್ನೆಲೆಯಲ್ಲಿ ಸ್ಥಗಿತಗೊಂಡಿದ್ದ ಕಚೇರಿ ಹಾಗೂ ಎಸ್‌ಐಆರ್ ಚುನಾವಣಾ ಸಂಬಂಧಿತ ಕಾರ್ಯಗಳು ಪುನರಾರಂಭಗೊಂಡಿವೆ. ಆಗಸ್ಟ್ 8ರೊಳಗೆ ಚುನಾವಣಾ ಆಯೋಗ ನಿಗದಿಪಡಿಸಿದ ಎಲ್ಲ ಕಾರ್ಯಗಳನ್ನು ಪೂರ್ಣಗೊಳಿಸಲಾಗುವುದು. ಖಾತೆ, ಮ್ಯೂಟೇಷನ್ ಸೇರಿದಂತೆ ಸಾರ್ವಜನಿಕ ಸೇವೆಗಳು ಇನ್ನು ಮುಂದೆ ಎಂದಿನಂತೆ ಲಭ್ಯವಾಗಲಿವೆ ಎಂದು ಅವರು ಹೇಳಿದರು.
#ಯಾದಗಿರಿ #ನಗರಸಭೆ #ಹೈಕೋರ್ಟ್ #ಉಮೇಶ್_ಚೌವಾಣ್ #ಭೂಸ್ವಾಧೀನ_ಪ್ರಕರಣ
#ಜಪ್ತಿ_ತೆರವು #MunicipalCouncil
#HighCourt #YadgirNews #KarnatakaNews
#BreakingNews #CourtOrder #CivilNews
#PruthviMadhyma

YADGIR NEWS||₹2.16 ಕೋಟಿ ಪ್ರಕರಣ: ಯಾದಗಿರಿ ನಗರಸಭೆಗೆ ಹೈಕೋರ್ಟ್ ಮಧ್ಯಂತರ ಪರಿಹಾರ

ಹತ್ತಿಕುಣಿಯಲ್ಲಿ ವಿದ್ಯಾರ್ಥಿಗಳ ಪ್ರತಿಭಟನೆ; ಸಮಯಕ್ಕೆ ಬಸ್ ಇಲ್ಲದೆ ಎರಡು ಗಂಟೆ ರಾಜ್ಯ ಹೆದ್ದಾರಿ ತಡೆ

ಯಾದಗಿರಿ: ಸೂಕ್ತ ಸಾರಿಗೆ ಬಸ್‌ಗಳ ವ್ಯವಸ್ಥೆ ಕಲ್ಪಿಸುವಂತೆ ಆಗ್ರಹಿಸಿ ಯಾದಗಿರಿ ತಾಲ್ಲೂಕಿನ ಹತ್ತಿಕುಣಿ ಗ್ರಾಮದ ವಿದ್ಯಾರ್ಥಿಗಳು ಯಾದಗಿರಿ–ಸೇಡಂ ರಾಜ್ಯ ಹೆದ್ದಾರಿಯಲ್ಲಿ ಸುಮಾರು ಎರಡು ಗಂಟೆಗಳ ಕಾಲ ರಸ್ತೆ ತಡೆದು ಪ್ರತಿಭಟನೆ ನಡೆಸಿದರು. ಕಳೆದ 15 ದಿನಗಳಿಂದ ಬಸ್‌ಗಳು ನಿಲ್ಲಿಸದೆ ತೆರಳುತ್ತಿರುವುದರಿಂದ ಶಾಲೆ-ಕಾಲೇಜುಗಳಿಗೆ ಸಮಯಕ್ಕೆ ತಲುಪಲು ಸಾಧ್ಯವಾಗುತ್ತಿಲ್ಲ ಎಂದು ವಿದ್ಯಾರ್ಥಿಗಳು ಅಳಲು ತೋಡಿಕೊಂಡರು. ಸ್ಥಳಕ್ಕೆ ಗ್ರಾಮೀಣ ಪೊಲೀಸ್ ಠಾಣೆ ಪಿಎಸ್‌ಐ ವಿರೇಶ ಹಾಗೂ ಸಾರಿಗೆ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ವಿದ್ಯಾರ್ಥಿಗಳು ಮತ್ತು ಗ್ರಾಮಸ್ಥರೊಂದಿಗೆ ಮಾತುಕತೆ ನಡೆಸಿ, ಮೇಲಾಧಿಕಾರಿಗಳ ಗಮನಕ್ಕೆ ತಂದು ಶೀಘ್ರ ಸಮಸ್ಯೆ ಪರಿಹರಿಸುವ ಭರವಸೆ ನೀಡಿದರು. ಬಳಿಕ ಪ್ರತಿಭಟನೆ ಹಿಂತೆಗೆದುಕೊಳ್ಳಲಾಯಿತು. ಹೊಸ ಬಸ್‌ಗಳು ಹಾಗೂ ಸಿಬ್ಬಂದಿ ಕೊರತೆಯೇ ಸಮಸ್ಯೆಗೆ ಪ್ರಮುಖ ಕಾರಣ ಎಂದು ಸಾರಿಗೆ ಇಲಾಖೆ ಮೂಲಗಳು ತಿಳಿಸಿವೆ.
#ಹತ್ತಿಕುಣಿ #ಯಾದಗಿರಿ #ವಿದ್ಯಾರ್ಥಿಗಳಪ್ರತಿಭಟನೆ
#KSRTC #ಬಸ್_ಸಮಸ್ಯೆ #ಸಾರಿಗೆಇಲಾಖೆ #StudentProtest #YadgirNews
#KarnatakaNews #BusService #PublicTransport #EducationNews
#BreakingNews #PruthviMadhyma

YADGIR NEWS||ಹತ್ತಿಕುಣಿಯಲ್ಲಿ ವಿದ್ಯಾರ್ಥಿಗಳ ಪ್ರತಿಭಟನೆ; ಸಮಯಕ್ಕೆ ಬಸ್ ಇಲ್ಲದೆ ಎರಡು ಗಂಟೆ ರಾಜ್ಯ ಹೆದ್ದಾರಿ ತಡೆ

YADGIR NEWS||ಕೃಷ್ಣಾ ನದಿಗೆ 1.20 ಲಕ್ಷ ಕ್ಯೂಸೆಕ್ ನೀರು ಬಿಡುಗಡೆ; ನದಿ ತೀರದಲ್ಲಿ ಹೈ ಅಲರ್ಟ್

ಸುರಪುರ: ಕೃಷ್ಣಾ ಜಲಾನಯನ ಪ್ರದೇಶದಲ್ಲಿ ಭಾರೀ ಮಳೆಯ ಹಿನ್ನೆಲೆ ಬಸವಸಾಗರ ಜಲಾಶಯದಿಂದ 1.20 ಲಕ್ಷ ಕ್ಯೂಸೆಕ್ ನೀರನ್ನು ಕೃಷ್ಣಾ ನದಿಗೆ ಬಿಡುಗಡೆ ಮಾಡಲಾಗಿದ್ದು, ನದಿ ಅಪಾಯದ ಮಟ್ಟ ಮೀರಿ ಹರಿಯುತ್ತಿದೆ. ಇದರಿಂದ ನದಿ ತೀರದ ಗ್ರಾಮಗಳಲ್ಲಿ ಪ್ರವಾಹ ಭೀತಿ ಎದುರಾಗಿದ್ದು, ಸುರಪುರ ಪೊಲೀಸ್ ಠಾಣೆ ಸಿಬ್ಬಂದಿ ತಿಂಥಣಿ ಗ್ರಾಮದ ಬಳಿ ಮೈಕ್ ಮೂಲಕ ಸಾರ್ವಜನಿಕರಿಗೆ ಎಚ್ಚರಿಕೆ ನೀಡುತ್ತಿದ್ದಾರೆ. ನದಿ ದಂಡೆಯಲ್ಲಿದ್ದ ನಾಲ್ಕು ಗುಡಿಸಲುಗಳನ್ನು ತೆರವುಗೊಳಿಸಿ ನಿವಾಸಿಗಳನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಲಾಗಿದೆ. ಮೀನುಗಾರರು ನದಿಗೆ ಇಳಿಯದಂತೆ, ರೈತರು ಪಂಪ್‌ಸೆಟ್‌ಗಳನ್ನು ಸ್ಥಳಾಂತರಿಸಿಕೊಳ್ಳುವಂತೆ, ಮಹಿಳೆಯರು ಬಟ್ಟೆ ತೊಳೆಯಲು ಹಾಗೂ ಯುವಕರು ಈಜಲು, ಸೆಲ್ಫಿ ತೆಗೆಯಲು ನದಿ ತೀರಕ್ಕೆ ಹೋಗದಂತೆ ಸೂಚಿಸಲಾಗಿದೆ. ಇನ್ನಷ್ಟು ನೀರು ಬಿಡುಗಡೆ ಸಾಧ್ಯತೆ ಇರುವುದರಿಂದ ಗ್ರಾಮಸ್ಥರು ಮುನ್ನೆಚ್ಚರಿಕೆ ವಹಿಸುವಂತೆ ಪೊಲೀಸರು ಮನವಿ ಮಾಡಿದ್ದಾರೆ.
#KrishnaRiver #FloodAlert
#YadgirNews #KarnatakaNews
#PruthviMadhyma #ಸುರಪುರ

YADGIR NEWS||ಕೃಷ್ಣಾ ನದಿಗೆ 1.20 ಲಕ್ಷ ಕ್ಯೂಸೆಕ್ ನೀರು ಬಿಡುಗಡೆ; ನದಿ ತೀರದಲ್ಲಿ ಹೈ ಅಲರ್ಟ್

YADGIR NEWS||ಮಹಾರಾಷ್ಟ್ರ ಮಳೆಯಿಂದ ಭೀಮಾ ನದಿಗೆ ಅಪಾರ ನೀರು||ಪ್ರವಾಹ ಭೀತಿ||

ಯಾದಗಿರಿ: ಮಹಾರಾಷ್ಟ್ರ ಭಾಗದಲ್ಲಿ ಸುರಿಯುತ್ತಿರುವ ಧಾರಾಕಾರ ಮಳೆಯ ಪರಿಣಾಮ ಭೀಮಾ ನದಿಗೆ ಅಪಾರ ಪ್ರಮಾಣದ ನೀರು ಹರಿದುಬಂದಿದ್ದು, ನದಿ ಒಂದೇ ದಿನದಲ್ಲಿ ಉಕ್ಕಿ ಹರಿಯುತ್ತಿದೆ. ಗುರುಸಣಗಿ ಬ್ರಿಜ್ ಕಂ ಬ್ಯಾರೇಜ್‌ನಿಂದ ಸುಮಾರು 50 ಸಾವಿರ ಕ್ಯೂಸೆಕ್ ನೀರನ್ನು ಭೀಮಾ ನದಿಗೆ ಬಿಡುಗಡೆ ಮಾಡಲಾಗಿದೆ. ಇದರಿಂದ ಯಾದಗಿರಿ ನಗರದ ಹೊರವಲಯದಲ್ಲಿರುವ ಭೀಮಾ ನದಿಯಲ್ಲಿ ನೀರಿನ ಮಟ್ಟ ಏರಿಕೆಯಾಗಿ ಪ್ರವಾಹ ಭೀತಿ ಎದುರಾಗಿದೆ. ನದಿ ತೀರದಲ್ಲಿರುವ ವೀರಾಂಜನೇಯ ದೇವಸ್ಥಾನ ಹಾಗೂ ಕಂಗಳೇಶ್ವರ ದೇವಸ್ಥಾನ ಜಲಾವೃತಗೊಂಡಿದ್ದು. ಮುನ್ನೆಚ್ಚರಿಕಾ ಕ್ರಮವಾಗಿ ನದಿ ತೀರಕ್ಕೆ ಸಾರ್ವಜನಿಕರು ತೆರಳದಂತೆ ಜಿಲ್ಲಾಡಳಿತ ಸೂಚನೆ ನೀಡಿದ್ದು, ಅಧಿಕಾರಿಗಳಿಗೆ ಹೈ ಅಲರ್ಟ್ ಘೋಷಿಸಲಾಗಿದೆ.
#BhimaRiver #YadgirNews #FloodAlert
#KarnatakaNews #PruthviMadhyma

YADGIR NEWS||ಮಹಾರಾಷ್ಟ್ರ ಮಳೆಯಿಂದ ಭೀಮಾ ನದಿಗೆ ಅಪಾರ ನೀರು||ಪ್ರವಾಹ ಭೀತಿ||

YADGIR NEWS||ಶಾಲಾ ಪಠ್ಯಕ್ರಮದಲ್ಲಿ ವ್ಯಸನಮುಕ್ತಿ ಪಾಠ ಕಡ್ಡಾಯಕ್ಕೆ ಒತ್ತಾಯ: ಶರಣಪ್ಪ ಸಲದಪುರ

ಯಾದಗಿರಿ: ಶಾಲಾ ಹಂತದಿಂದಲೇ ಮಕ್ಕಳಿಗೆ ಮದ್ಯ ಹಾಗೂ ಮಾದಕ ವಸ್ತುಗಳ ದುಷ್ಪರಿಣಾಮಗಳ ಕುರಿತು ಕಡ್ಡಾಯ ಶಿಕ್ಷಣ ನೀಡಬೇಕು ಎಂದು ಕರ್ನಾಟಕ ರಾಜ್ಯ ಮದ್ಯಪಾನ ಸಂಯಮ ಮಂಡಳಿ ಅಧ್ಯಕ್ಷ ಶರಣಪ್ಪ ಸಲದಪುರ ಹೇಳಿದರು. ಸೋಮವಾರ ಜಿಲ್ಲಾ ಜಿಲ್ಲಾಧಿಕಾರಿ ಸಭಾಂಗಣದಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ವ್ಯಸನಮುಕ್ತಿ ಪಾಠವನ್ನು ಶಾಲಾ ಪಠ್ಯಕ್ರಮದಲ್ಲಿ ಸೇರಿಸುವಂತೆ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರಿಗೆ ಮನವಿ ಮಾಡಿರುವುದಾಗಿ ತಿಳಿಸಿದರು. ಕೋಪ್ಪಳ ಜಿಲ್ಲೆಯ ಹಟ್ಟಿ ಆನಂತಪುರ ಸೇರಿದಂತೆ 13 ವ್ಯಸನಮುಕ್ತ ಗ್ರಾಮಗಳನ್ನು ಗುರುತಿಸಲಾಗಿದ್ದು, 2026ರ ಸಂಯಮ ಪ್ರಶಸ್ತಿ ನೀಡಲಾಗುವುದು ಎಂದರು. ವ್ಯಸನಮುಕ್ತ ಸಮಾಜ ನಿರ್ಮಾಣಕ್ಕೆ ಶಿಕ್ಷಣ, ಜಾಗೃತಿ ಹಾಗೂ ಮಾಧ್ಯಮಗಳ ಸಹಕಾರ ಅತ್ಯಗತ್ಯ ಎಂದು ಹೇಳಿದರು.
#SharanappaSaladapur #VyasanMuktaKarnataka #DrugFreeKarnataka
#KannadaNews #PruthviMadhyma #YadgirNews

YADGIR NEWS||ಶಾಲಾ ಪಠ್ಯಕ್ರಮದಲ್ಲಿ ವ್ಯಸನಮುಕ್ತಿ ಪಾಠ ಕಡ್ಡಾಯಕ್ಕೆ ಒತ್ತಾಯ||ಶರಣಪ್ಪ ಸಲದಪುರ||

YADGIR NEWS||ಆ.1ರಂದು ರಾಜ್ಯಾದ್ಯಂತ ವ್ಯಸನಮುಕ್ತ ದಿನ: ಭೀಮರಾಯನಗುಡಿಯಲ್ಲಿ ರಾಜ್ಯಮಟ್ಟದ ಕಾರ್ಯಕ್ರಮ - ಶರಣಪ್ಪ ಸಲದಪುರ

ಯಾದಗಿರಿ: ರಾಜ್ಯಾದ್ಯಂತ ಆಗಸ್ಟ್ 1ರಂದು "ವ್ಯಸನಮುಕ್ತ ದಿನ" ಆಚರಿಸಲಾಗುತ್ತಿದ್ದು, ಭೀಮರಾಯನಗುಡಿಯಲ್ಲಿ ರಾಜ್ಯಮಟ್ಟದ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಕರ್ನಾಟಕ ರಾಜ್ಯ ಮದ್ಯಪಾನ ಸಂಯಮ ಮಂಡಳಿ ಅಧ್ಯಕ್ಷ ಶರಣಪ್ಪ ಸಲದಪುರ ತಿಳಿಸಿದರು. ಸೋಮವಾರ ಜಿಲ್ಲಾ ಅಧಿಕಾರಿ ಸಭಾಂಗಣದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಜಿಲ್ಲಾಧಿಕಾರಿ ಸೇರಿದಂತೆ ಎಲ್ಲಾ ಇಲಾಖೆಗಳ ಅಧಿಕಾರಿಗಳು, ಆಶಾ ಮತ್ತು ಅಂಗನವಾಡಿ ಕಾರ್ಯಕರ್ತೆಯರು, ಶಿಕ್ಷಣ, ಆರೋಗ್ಯ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ಪಂಚಾಯತ್ ಸಿಬ್ಬಂದಿ ಸೇರಿದಂತೆ ಎಲ್ಲರೂ ಕಾರ್ಯಕ್ರಮದಲ್ಲಿ ಕಡ್ಡಾಯವಾಗಿ ಭಾಗವಹಿಸಲಿದ್ದಾರೆ ಎಂದರು. ವ್ಯಸನಮುಕ್ತ ಸಮಾಜ ನಿರ್ಮಾಣಕ್ಕೆ ಜನಜಾಗೃತಿ ಅಗತ್ಯವಾಗಿದ್ದು, ಸರ್ಕಾರ, ಅಧಿಕಾರಿಗಳು ಹಾಗೂ ಮಾಧ್ಯಮಗಳು ಈ ಅಭಿಯಾನವನ್ನು ಯಶಸ್ವಿಗೊಳಿಸಬೇಕು ಎಂದು ಕರೆ ನೀಡಿದರು.
ಪತ್ರಿಕಾಗೋಷ್ಠಿಯಲ್ಲಿ ಅಪಾರ ಜಿಲ್ಲಾಧಿಕಾರಿ ರಮೇಶ್ ಕೋಲಾರ ಅವರು ಭಾಗವಹಿಸಿದರು.
#VyasanMuktaDina #NashaMuktaKarnataka #SharanappaSaladpur #Bhimarayanagudi
#Yadgir #Karnataka #DrugFreeKarnataka #AddictionFreeDay
#AwarenessCampaign #HealthAwareness #PublicAwareness
#KarnatakaNews #YadgirNews #KannadaNews #BreakingNews
#PruthviMadhyma #August1 #StateLevelProgram #GovernmentProgram
#MadyapanaSamyamaMandali #VyasanMuktaSamaja

YADGIR NEWS|ಆ.1ರಂದು ರಾಜ್ಯಾದ್ಯಂತ ವ್ಯಸನಮುಕ್ತ ದಿನ: ಭೀಮರಾಯನಗುಡಿಯಲ್ಲಿ ರಾಜ್ಯಮಟ್ಟದ ಕಾರ್ಯಕ್ರಮ -ಶರಣಪ್ಪ ಸಲದಪುರ

Yadgir City

ಅಕ್ರಮ ಬೀಜ ರಸಗೊಬ್ಬರ ಮಾರಾಟ ತಡೆಯುವಂತೆ:ಮಲ್ಲಣ್ಣ ಒತ್ತಾಯ

Yadgir City

ಪ್ರಧಾನಿ ಮೋದಿ ಕರೆಗೆ ಓಗೊಟ್ಟು – ಇಂಧನ ಉಳಿತಾಯ ಹಾಗೂ ಪರಿಸರ ಸಂರಕ್ಷಣೆ, ವೈಭವದ ಜನ್ಮ ದಿನಾಚರಣೆಗೆ ಬ್ರೇಕ್: ಶ್ರೀಧರ ಸಾಹುಕಾರ

Stocks

ಜಿಲ್ಲಾ ಕೋಲಿ ಮತ್ತು ಕಬ್ಬಲಿಗ ಸಮಾಜದಿಂದ ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷರಿಗೆ ಸನ್ಮಾನ

Yadgir City

ಅಂಗ್ಲ ಬ್ಯಾನರ್ ಗಳ ತೆರವಿಗೆ ಕ್ರಮ ಕೈಗೊಳ್ಳದಿದ್ದರೆ ಕರವೇ ಕಾರ್ಯಕರ್ತರೇ ತೆರವು ಮಾಡಲಿದ್ದಾರೆ: ಹತ್ತಿಮನಿ ಎಚ್ಚರಿಕೆ

error: Content is protected !!