ಯಾದಗಿರಿ ಸೆ.೨೭:- ಸೆಪ್ಟೆಂಬರ್ 28 ರಂದು ಯಾದಗಿರಿಯ ಹಿಂದೂ ಮಹಾಗಣಪತಿ ವಿಸರ್ಜನೆ ನಿಮಿತ್ತ ಬೃಹತ್ ಶೋಭಾಯಾತ್ರೆ ಮಧ್ಯಾಹ್ನ 12:45 ಗಂಟೆಗೆ ಅದ್ದೂರಿಯಾಗಿ ನಡೆಯಲಿದೆ. ಜೈ ಭವಾನಿ ದೇವಸ್ಥಾನದ ಹತ್ತಿರ ಪ್ರತಿಷ್ಠಾಪಿಸಲಾಗಿರುವ ಮಹಾಗಣಪತಿಯ ಮೂರ್ತಿಯ ವಿಸರ್ಜನೆಗಾಗಿ ನಗರದಲ್ಲಿ ಹಿಂದು ಮಹಾಗಣಪತಿ ಉತ್ಸವ ಸಮಿತಿ ಹಾಗೂ ಬಜರಂಗ ದಳದ ನೇತೃತ್ವದಲ್ಲಿ ಈ ಶೋಭಾಯಾತ್ರೆ ಏರ್ಪಡಿಸಲಾಗಿದೆ ಎಂದು ಉತ್ಸವ ಸಮಿತಿ ಅಧ್ಯಕ್ಷ ಶರಣಪ್ಪಗೌಡ ಮಲ್ದಾರ್ ಅವರು ನಗರ ಪತ್ರಿಕಾ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ಶೋಭಾಯಾತ್ರೆಯು ಮಹರ್ಷಿ ವಾಲ್ಮೀಕಿ ವೃತ್ತದಿಂದ (ಡಿಗ್ರಿ ಕಾಲೇಜು ಹತ್ತಿರ) ಆರಂಭವಾಗಿ, ಸುಭಾಷ್ ಚೌಕ್, ಶಾಸ್ತ್ರಿ ಚೌಕ್ (ಮುತ್ನಾಳ ಪೆಟ್ರೋಲ್ ಪಂಪ್ ಹತ್ತಿರ), ಅಂಬೇಡ್ಕರ್ ಚೌಕ್, ಕನಕ ವೃತ್ತ, ಬಾಬು ಜಗಜೀವನ ರಾವ್ ವೃತ್ತ (ಹಳೆಯ ನಗರಸಭೆ ಕಟ್ಟಡ ಹತ್ತಿರ), ಗಾಂಧಿ ಚೌಕ್, ಶಿವಾಜಿ ಚೌಕ್ ಮೂಲಕ, ಮೈಲಾಪೂರ ಬೇಸ್ ಬಳಿಯ ದೊಡ್ಡ ಕೆರೆಗೆ ಸಮೀಪ ಇರುವ ಮಾರ್ವಾಡಿ ಬಾವಿಯಲ್ಲಿ ಮೂರ್ತಿ ವಿಸರ್ಜನೆ ಮಾಡಲಾಗುವುದು.
60,000 ಕ್ಕೂ ಹೆಚ್ಚು ಜನರ ನಿರೀಕ್ಷೆ
ಈ ಶೋಭಾಯಾತ್ರೆಗೆ 60,000 ಕ್ಕೂ ಹೆಚ್ಚು ಭಕ್ತರು, ಸಾರ್ವಜನಿಕರು ಪಾಲ್ಗೊಳ್ಳಲಿದ್ದಾರೆ. procession ನಲ್ಲಿ ಶಿವನ ಮೂರ್ತಿ ಸೇರಿದಂತೆ ಹಲವಾರು ಹಿಂದು ದೇವತೆಗಳ ಪ್ರತಿಮೆಗಳ ಅದ್ಧೂರಿ ಮೆರವಣಿಗೆ ನಡೆಯಲಿದ್ದು, ವಿಶೇಷವಾಗಿ ದೆಹಲಿಯ ಕಲಾ ತಂಡಗಳು ಭಾಗವಹಿಸಿ ಹಿಂದು ಧರ್ಮ ಸಂಸ್ಕೃತಿಯ ಬಗ್ಗೆ ಜಾಗೃತಿ ಮೂಡಿಸಲಿದ್ದಾರೆ.
21 ದಿನಗಳ ಮಹಾಗಣಪತಿ ಉತ್ಸವ
ವಿಶ್ವ ಹಿಂದೂ ಪರಿಷತ್ತಿನ ಜಿಲ್ಲಾಧ್ಯಕ್ಷ ತಿಪ್ಪಣ್ಣ ಹೂಗಾರ ಅವರು ಮಾತನಾಡಿ, ಕಳೆದ 21 ದಿನಗಳಿಂದ ಮಹಾಗಣಪತಿಗೆ ವಿಶೇಷ ಪೂಜೆ, ಮಂಗಳಾರತಿ, ಅನ್ನದಾಸೋಹ, ಹಾಗೂ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತಿವೆ. ಪ್ರತಿದಿನ 5,000 ಕ್ಕೂ ಹೆಚ್ಚು ಜನರು ಈ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಾರೆ. ರಸಪ್ರಶ್ನೆ, ಭರತನಾಟ್ಯ, ವರುಣಯಾಗ, ಹಾಗೂ ಧಾರ್ಮಿಕ ವಿಚಾರ ಸಂಕಿರಣಗಳ ಮೂಲಕ ಈ ಉತ್ಸವ ವಿಶಿಷ್ಟವಾಗಿದ್ದರೂ, ಶೋಭಾಯಾತ್ರೆಯು ಇದರ ಕೊನೆಯ ಭಾಗವಾಗಿದ್ದು ಅದನ್ನು ಯಶಸ್ವಿಗೊಳಿಸುವುದು ಮುಖ್ಯವಾಗಿದೆ ಎಂದರು.
ಹಿಂದು ಧರ್ಮದ ಸಾಂಸ್ಕೃತಿಕ ಮೆರವಣಿಗೆ
ಬಜರಂಗ ದಳದ ಶಿವಕುಮಾರ್ ಸುಕಾನೂರ್ ಮಾತನಾಡಿ, ಯಾದಗಿರಿಯಲ್ಲಿ ಹಿಂದೂ ಮಹಾಗಣಪತಿ ಉತ್ಸವ ಕಳೆದ ನಾಲ್ಕು ವರ್ಷಗಳಿಂದ ವಿಶೇಷವಾಗಿ ಆಚರಿಸಲಾಗುತ್ತಿದ್ದು, ಇದರಲ್ಲಿ ಪ್ರತಿದಿನ ವಿವಿಧ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯುತ್ತಿವೆ. ಮೆರವಣಿಗೆಯು ಹಿಂದು ಧರ್ಮದ ಸಂಸ್ಕೃತಿಯ ಬಗ್ಗೆ ಪ್ರಬೋಧನ ನೀಡುವಂತೆ ರೂಪುಗೊಂಡಿದೆ, ಇದರಲ್ಲಿ ದೆಹಲಿಯ ಕಲಾ ತಂಡಗಳು ಭಾಗವಹಿಸುತ್ತವೆ.
ಸಾರ್ವಜನಿಕರ ಪಾಲ್ಗೊಳ್ಳಲು ಮನವಿ
ಹಿಂದು ಮಹಾಗಣಪತಿ ಉತ್ಸವ ಸಮಿತಿ ಹಾಗೂ ಬಜರಂಗ ದಳದ ಕಾರ್ಯಕರ್ತರು ಈ ಕಾರ್ಯಕ್ರಮದ ಯಶಸ್ಸಿಗಾಗಿ ಭಕ್ತರ ಸಹಕಾರವನ್ನು ಕೋರಿದ್ದಾರೆ. ಸೆಪ್ಟೆಂಬರ್ 28 ರಂದು ನಡೆಯಲಿರುವ ಶೋಭಾಯಾತ್ರೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಿ ಎಂಬಂತೆ ಸಾರ್ವಜನಿಕರಿಗೆ ಮನವಿ ಮಾಡಲಾಯಿತು.
- ಮೀಸಲಾತಿ ಹಕ್ಕು, ದಾನವಲ್ಲ: ಕೇಂದ್ರ-ರಾಜ್ಯ ಸರ್ಕಾರಗಳಿಗೆ ಉಗ್ರಪ್ಪ ಎಚ್ಚರಿಕೆ
- ಮಲ್ಲಿಕಾರ್ಜುನ ಮುತ್ಯಾ ಪೋಕ್ಸೋ ಪ್ರಕರಣ: ಫೋಟೋ–ವಿಡಿಯೋ ಹಂಚಿದರೆ ಕಾನೂನು ಕ್ರಮ, ಎಸ್ಪಿ ಪೃಥ್ವಿಕ್ ಶಂಕರ್ ಎಚ್ಚರಿಕೆ
- ಮಾನವೀಯತೆಯ, ಒಂದೇ ನ್ಯಾಯದ,ವಿಶ್ವದ ಏಕೈಕ ಭಾರತೀಯ ಸಂವಿಧಾನ, ರಾಘವೇಂದ್ರ ಡಿ. ಅಭಿಮತ
- ದುರ್ಗಾದೇವಿ ದೇವಸ್ಥಾನದಲ್ಲಿ ೭೭ನೇ ಗಣರಾಜ್ಯೋತ್ಸವ ಆಚರಣೆ
- ಕನ್ಸಲ್ಟಿಂಗ್ ಸಿವಿಲ್ ಇಂಜೀನಿಯರ್ ಹಾಗೂ ಲಯನ್ಸ್ ಕ್ಲಬ್ ವತಿಯಿಂದ 77 ನೇ ಗಣರಾಜ್ಯೋತ್ಸವ ಆಚರಣೆ