ಯಾದಗಿರಿ ಆಗಸ್ಟ್ 15 : – ಕರ್ನಾಟಕ ರಾಜ್ಯ ಚಾಲಕರ ಪರಿಷತ್ತಿನ ಆಟೋ ಚಾಲಕರ ಜಿಲ್ಲಾ ಘಟಕದ ವತಿಯಿಂದ 79ನೇ ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ಇಂದು ಬೆಳಿಗ್ಗೆ 7.45ಕ್ಕೆ ಗಂಜ್ ಏರಿಯಾ ಆಟೋ ಸ್ಟ್ಯಾಂಡ್‌ನಲ್ಲಿ ಧ್ವಜಾರೋಹಣ ಕಾರ್ಯಕ್ರಮ ನೆರವೇರಿಸಲಾಯಿತು. ಈ ಸಂದರ್ಭದಲ್ಲಿ ಎಲ್ಲಾ ಚಾಲಕರ ಮಿತ್ರರು ‘ಹರ್ ಘರ್ ತಿರಂಗಾ’ ಅಭಿಯಾನದ ಭಾಗವಾಗಿ ತಮ್ಮ ಮನೆಗಳಲ್ಲಿ ರಾಷ್ಟ್ರಧ್ವಜ ಹಾರಿಸಿ ಗೌರವ ಸಲ್ಲಿಸಿದರು. ಆಗಸ್ಟ್ 15ರವರೆಗೆ ಪ್ರತಿಯೊಂದು ಮನೆ ಮೇಲೂ ರಾಷ್ಟ್ರಧ್ವಜ ರಾರಾಜಿಸುವ ಮೂಲಕ ಭಾರತದ ಹಿರಿಮೆಯನ್ನು ವಿಶ್ವ ಭೂಪಟದಲ್ಲಿ ಮೆರೆಯುವಂತೆ ಚಾಲಕರ ಘಟಕದಿಂದ ಕರೆ ನೀಡಲಾಯಿತು.
ಕಾರ್ಯಕ್ರಮದಲ್ಲಿ ಹಿರಿಯ ಚಾಲಕರಾದ ಬಾಗಪ್ಪ, ರಾಗಿರ ಲಕ್ಷ್ಮಣ, ಶಿವಶರಣಪ್ಪ, ಹಣಮಯ್ಯ ಕಲಾಲ್, ಹುಸೇನಿ ಚಾಮ್ನಳ್ಳಿ, ಕುಂಬಾರ ಸಾಬಯ್ಯ, ಮಲ್ಲಯ್ಯ ಮುಷ್ಟೂರ್, ಈಶ್ವರ ನಾಯಕ್, ಮಹೇಶ್ ನಾಟೇಕರ್, ಮೌನೇಶ್ ಮುಂಡರಗಿ, ಆಶಪ್ಪ ಜಟ್ಟಿ, ಅಂಬುಜಿ ರಾವ್, ನಾಗಣ್ಣ, ಬೀರಲಿಂಗ ಪೂಜಾರಿ, ಮಹೇಶ್ ಸಾಬರೆಡ್ಡಿ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.
ಅದೇ ವೇಳೆ, ರವಿ ಹಿರೇನೂರು ಅವರ ಜನ್ಮದಿನವನ್ನು ಸಹ ಚಾಲಕರ ಮಿತ್ರರೊಂದಿಗೆ ಸಂಭ್ರಮಿಸಲಾಯಿತು. ಅಭಿಯಾನದಲ್ಲಿ ಭಾಗವಹಿಸುವ ಎಲ್ಲರೂ ತ್ರಿವರ್ಣ ಧ್ವಜದೊಂದಿಗೆ ಸೆಲ್ಫಿ ತೆಗೆದು SARAL ಆಪ್ ಮತ್ತು harghartiranga.com ನಲ್ಲಿ ಅಪ್‌ಲೋಡ್ ಮಾಡುವಂತೆ ಮನವಿ ಮಾಡಲಾಯಿತು.